《World War Z預測》
市場上有好多喪屍遊戲，但已經好耐無四人合作嘅喪屍遊戲，主要係因為玩家心目中只有Left 4 Dead。
World War Z唔止要挑戰Left 4 Dead，佢仲係一隻改編遊戲。
而改編遊戲要面對好多商業決定，俾啲唔鍾意打機嘅商家佬指指點點，所以成品出到嚟多數係核核突突，通常都無好下場。
例如上次Walking Dead改編做遊戲，結果就垃圾到仆直，出咗街一個星期，已經再無人提起。
另外，玩連線槍Game，我始終都係想用滑鼠Keyboard。
本來World War Z嘅PC版喺Steam出售，但轉頭又被Epic Games搶咗去賣，呢一點有啲討厭。
宜家網上好多評論會攞佢同Left 4 Dead比較，但係其實佢好多方面都唔及Left 4 Dead好。
唔係話World War Z開發做得差，而係因為當年嘅Valve真係世界級。
我暫時睇落，覺得World War Z嘅Gameplay都算係穩陣。
World War Z喪屍數量比Left 4 Dead多，場面比Left 4 Dead大，但係啲喪屍都跑得幾生硬，人物動作望落都幾假下。
同埋World War Z順應潮流，設有角色職業同自訂裝備，屌佢啲槍又係有Skin。
相信World War Z推出之後應該會有DLC同商城。
最後都係嗰句，我唔建議預購，宜家啲Game廠好撚古惑架，如果有興趣，就等佢出咗街先，睇清楚先好買。
Search